അഭിനയ പ്രാധാന്യമുള്ള നിരവധി വേഷങ്ങളിലൂടെ പ്രേക്ഷകരുടെ മനസ്സില്‍ ഇടം നേടിയ നടിയാണ് അമൃത സുഭാഷ്.
സിനിമയെക്കാളുപരി വെബ് സീരീസ് മേഖലയിലാണ് അമൃതയ്ക്ക് കൂടുതല്‍ ശ്രദ്ധ ലഭിച്ചത്.
അനുരാഗ് കശ്യപിനൊപ്പം സേക്രഡ് ഗെയിംസ് സീസണ്‍ രണ്ടില്‍ ചെയ്ത വേഷം അമൃതയെ ശ്രദ്ധേയയാക്കി. ഈ സീരീസിന്റെ ഭാഗമായി അമൃതയ്ക്ക് ഒരു കിടപ്പറ രംഗം ചെയ്യേണ്ടി വന്നിരുന്നു
തന്റെ അഭിനയ ജീവിതത്തിലെ ആദ്യ കിടപ്പറ രംഗം ചെയ്തത് ഈ സീരീസിന് വേണ്ടിയായിരുന്നു.
നിലവില്‍ ലസ്റ്റ് സ്റ്റോറീസ് 2 എന്ന സിനിമയില്‍ തൊഴിലുടമയുടെ കിടപ്പറയില്‍ സമാന രംഗം ചെയ്യുന്ന കഥാപാത്രമായി അമൃത ഏവരെയും ഞെട്ടിച്ചു.
പക്ഷേ അനുരാഗിനൊപ്പം ആ വേഷം ചെയ്യുന്നതിന് മുന്‍പ് അദ്ദേഹം ചോദിച്ച ഒരു ചോദ്യം എന്തെന്ന് അമൃത പറയുന്നു
‘എന്റെ അഭിനയജീവിതത്തിലെ ആദ്യ കിടപ്പറ രംഗമാണ് അദ്ദേഹത്തോടൊപ്പം സേക്രഡ് ഗെയിംസ് രണ്ടിന്റെ ഭാഗമായി ചെയ്തത്. ഒരു പുരുഷനോ സ്ത്രീയോ ആയിക്കോട്ടെ, അദ്ദേഹം എന്നോട് ചോദിച്ച ചോദ്യത്തിന് അത്രയേറെ പ്രസക്തിയുണ്ട്. അദ്ദേഹം അത്രയേറെ കരുതലുള്ള ആളായിരുന്നു…
എപ്പോഴാണ് എനിക്ക് മാസമുറ തുടങ്ങുക എന്ന് അദ്ദേഹം അന്വേഷിച്ചു. ആ സമയത്ത് നമുക്കാ രംഗം ചെയ്യേണ്ട എന്നായിരുന്നു അദ്ദേഹത്തിന്റെ നിലപാട്.
നീന ഗുപ്ത, തിലോത്തമ ഷോം എന്നിവരുമായുള്ള സംഭാഷണത്തിലാണ് അമൃത അക്കാര്യം തുറന്ന് സംസാരിച്ചത്
സേക്രഡ് ഗെയിംസ് സീരീസിലെ വേഷത്തെക്കുറിച്ച് അമൃത മുമ്പൊരു അഭിമുഖത്തിലും മറ്റൊരു കാര്യം പറയുകയുണ്ടായി.
അമൃതയുടെ വാക്കുകള്‍…’എനിക്ക് കഥാപാത്രങ്ങളില്‍ പരീക്ഷണങ്ങള്‍ നടത്തണം, വ്യത്യസ്തമായ വേഷങ്ങള്‍ ചെയ്യണം. നന്ദിതാ ദാസിന്റെ മാന്റോയുടെ പ്രീമിയറില്‍ വികാരാദിത്യ മോട്വാനെയും വരുണ്‍ ഗ്രോവറെയും കണ്ടുമുട്ടിയപ്പോള്‍ ജീവിതത്തില്‍ ആദ്യമായി ഞാന്‍ എന്റെ തലമുടി മുറിച്ച് ചെറുതാക്കിയിരുന്നു…
പിന്നീട് അവരുടെ കാസ്റ്റിംഗ് ഡയറക്ടറെ വിളിച്ചു. ഞാന്‍ കെ.ഡി.വൈയുടെ റോളിനായി ഓഡിഷന് പോകുന്നതിന് മുമ്പ്, സീസണ്‍ ഒന്നില്‍ നവാസുദ്ദീന്‍ സിദ്ദിഖിയുടെ അച്ഛനായി അഭിനയിച്ച എന്റെ ഭര്‍ത്താവ് സന്ദേശ് കുല്‍ക്കര്‍ണി എനിക്കൊരു ഉപദേശം നല്‍കിയിരുന്നു.
ആ വേഷം അച്ചടക്കത്തോടെ കൈകാര്യം ചെയ്യാന്‍ ഉപദേശിച്ചു, നായകനാകാന്‍ ശ്രമിക്കരുത്. റോ ഏജന്റുമാര്‍ക്ക് തങ്ങള്‍ എത്രത്തോളം ശക്തരാണെന്ന് ഒരിക്കലും പ്രകടിപ്പിക്കേണ്ടതില്ല’ എന്നായിരുന്നു ഉപദേശം. അമൃത പറയുന്നു.
ലസ്റ്റ് സ്റ്റോറീസ് 2 ലെ അമൃതയുടെ സെഗ്മെന്റില്‍ അവരുടെ തൊഴിലുടമയായി തിലോത്തമ അഭിനയിക്കുന്നു.
കൊങ്കണ സെന്‍ ശര്‍മ്മയാണ് ഇത് സംവിധാനം ചെയ്യുന്നത്. പുതിയ ചിത്രത്തിന്റെ ഏറ്റവും മികച്ച ഭാഗമാണ് ഇത് എന്നാണു പറയപ്പെടുന്നത്
